आदर्श वाचनालय नागरिक तथा विद्यार्थी, तरुण आदींच्या ज्ञानात भर टाकणार-पो.अ.लोहीत मतानी
कोका येथे आदर्श वाचनालयाचे पो.अ.मतानी यांचे हस्ते उद्धघाटन...
भंडारा: कारधा पोलीस स्टेशन अंतर्गत येत असलेल्या कोका (जंगल) येथे जिल्हा पोलीस अधिक्षक लोहीत मतानी यांच्या संकल्पनेतुन व मार्गदर्शनात नवनियुक्त कारधा पोलीस स्टेशनचे पोलीस निरिक्षक गणेश पिसाळ व कर्मचारी आणि ग्रामपंचायत पदाधिकारी व ग्रामस्थ यांच्या सहकार्याने साकारण्यात आलेल्या आदर्श वाचनालय उद्धघाटन सोमवार दि. २१ ऑगस्ट रोजी फित कापुन करण्यात आले.
भंडारा शहरापासुन जवळच असलेल्या व कारधा ग्रामीण पोलीस स्टेशन अंतर्गत तसेच अभयारण्यात असलेल्या कोका येथे पोलीस विभाग व ग्रामस्थांच्या सयुक्त विद्यमाने आदर्श वाचनालय साकारण्यात आले. सदर वाचनालयाच्या उद्धघाटनाला उपस्थित झालेले जिल्हा पोलीस अधिक्षक लोहीत मतानी यांनी उपस्थितांना मार्गदर्शन केले.
यावेळी त्यांना कोका येथील एका सामान्य शेतकरी कुटुंबातील इंद्रकुमार हातझाडे हा मुलगा नुकत्याच झालेल्या पोलीस भरतीत गोंदिया येथे पोलीस शिपाई पदावर नियुक्त झाल्याची माहिती मिळाली असता, त्यांनी त्याचे वडील श्रीकृष्ण हातझाडे यांना मंचकावर बोलावुन त्यांचा पुष्पगुच्छ देऊन सत्कार केला. दरम्यान वरिष्ठानी केलेल्या सत्काराने हातझाडे हे भावनीक झाले होते. त्यावेळी लोहीत मतानी यांनी मार्गदर्शनातुन सांगीतले कि, गाव खेड्यातील एका सामान्य शेतकरी कुटुंबातील मुलगा कर्तव्य आणि संस्कार, जिद्द, चिकाटी, मेहनत घेऊन नोकरी मिळवु शकतो ही प्रेरणा शहर स्तरावर असलेल्या पालकांसाठी व तरुणांसाठी ठरते आहे. त्यामुळे येथील आदर्श वाचनालय हे स्थानीक व परिसरातील नागरिक तथा विद्यार्थी, तरुण आदींच्या ज्ञानात भर टाकणारी असेल यात शंका नाही.
या कार्यक्रमाला अप्पर पोलीस अधीक्षक ईश्वर कातखेडे, उपविभागीय पोलीस अधिकारी डॉ. अशोक बागुल आदी उपस्थीत होते.