मनपा झोन निहाय गणेश मंडळ परवानगी सुविधा केंद्र सुरू - अधिकाऱ्यांमार्फत ऑनलाईन प्रणालीचे नागरिकांना मार्गदर्शन
मनपा झोन निहाय गणेश मंडळ परवानगी सुविधा केंद्र सुरू
- अधिकाऱ्यांमार्फत ऑनलाईन प्रणालीचे नागरिकांना मार्गदर्शन
नागपूर, ८ ता.
गणेशोत्सव म्हटलं तर सर्वत्र उत्साहाचे आणि जल्लोषाचे वातावरण असते असे असताना नागपूर महानगरपालिकेतर्फे शहरात पर्यावरणपूरक गणेशोत्सव साजरा व्हावा याकरिता विविध पाऊल उचलण्यात येत आहेत. त्यात गणेशोत्सवासाठी गणेश मंडळांना घ्याव्या लागणाऱ्या विविध परवानगीसाठी होणारा त्रास कमी करण्याकरिता मनपाद्वारे गणेश मंडळांना सोयीस्कर अशी ऑनलाईन प्रणाली अंमलात आणली असून, सर्व दहाही झोन कार्यालयात एक खिडकीची व्यवस्था अर्थात गणेश मंडळ परवानगी सुविधा केंद्र सुरू करण्यात आले आहेत.
नागपूर महानगरपालिका आयुक्त तथा प्रशासक डॉ. अभिजीत चौधरी यांच्या निर्देशानुसार व अतिरिक्त आयुक्त श्रीमती आंचल गोयल यांच्या मार्गदर्शनात शहरातील गणेशमंडळांना घरबसल्या परवानगी मिळावी याकरिता सोयीस्कर व सुलभ अशी ऑनलाईन प्रणाली अंमलात आणली आहे. याशिवाय मनपाच्या दहाही झोन कार्यालयात एक खिडकीची व्यवस्था अर्थात गणेश मंडळ परवानगी सुविधा केंद्र सुरू करण्यात आले आहेत. या गणेश मंडळ परवानगी सुविधा केंद्रावर नागपूर महानगरपालिका, पोलीस विभाग, अग्निशमन विभाग आदी विभागांचे अधिकारी, कर्मचारी नागरिकांच्या सेवेत कार्यरत आहेत. केंद्रांवर अधिकारी गणेशोत्सव परवानगी करिता नागरिकांना मार्गदर्शन करीत असून, ज्यांना ऑनलाईन प्रणालीद्वारे अर्ज करण्यास त्रास जात आहे अशा नागरिकांना सर्तोपारी मदत करीत आहेत.
*उपअभियंता यांच्या संपर्क क्रमांकाची यादी खालील प्रमाणे*
श्री. अभिजित नेताम 9673999750
श्री. पी. जी. मोकाडे 9923388095
श्री. पी. एम. आगरकर 9823128271
श्री. पी.जे. आसलकर 9923209423
श्री. गिरीश लिखर 9890918039
श्री. प्रवीण कोठांगळे 9823062603
श्री. एन. एस. बोबडे 9823274661
श्री. देवेंद्र भोवते 9764336466
श्री. सुनील गजभिये 9923388044
श्री. प्रशांत सोनकुसळे 9823316644
*झोन निहाय पोलीस अधिकाऱ्यांच्या संपर्क क्रमांकाची यादी खालील प्रमाणे:*
लक्ष्मीनगर झोन 1:- राहुल बेलदार: 7715908595
धरमपेठ झोन क्र. 2:- विकास तिडके: 9637402411
हनुमान झोन क्र. 3:- पंकज बावणे 8390458401
धंतोली झोन क्र. 4 :- शेख 9545170806
नेहरूनगर झोन क्र. 5:- प्रवीण वाकडे 7588537192
गांधीबाग झोन क्र. 6:- बिस्मिल्ला खान 9823092627
सतरंजीपुरा झोन क्र. 7:-युवराज वाघमारे 8975874100
लकडगंज झोन 8:- आदर्श भंडारे 7758097101
आशीनगर झोन 9:- सुजित चव्हाण 9011051150
मंगळवारी झोन 10:- संतोष खांडेकर 8329388805
*अशी करा नोंदणी*
ऑनलाईन गणेश मंडळ नोंदणी करण्यासाठी मनपाच्या
https://nmcnagpur.gov.in/RTS/ws/user/login.do
या संकेतस्थळावर जा ‘रजिस्टर’वर क्लिक करून नाव, आडनाव, ईमेल आयडी, मोबाईल क्रमांक टाका व सेंड ओटीपी वर क्लिक करा. ओटीपी नोंदवून रजिस्टरवर क्लिक करा. नोंदणी झाल्यानंतर साईन इन मध्ये पुन्हा मोबाईल क्रमांक नोंदवा ओटीपी प्राप्त करून तो नोंदवा.
मनपाच्या संकेतस्थळाचे डॅशबोर्ड ओपन होईल. यात ‘गणेश मंडळ परवानगी’ वर क्लिक करा. परवानगी मिळविण्याची पद्धती अटी व शर्ती वाचून ‘ॲग्री’वर क्लिक करा. गणेश मंडप परवानगी चा अर्ज ओपन होईल. यात आवश्यक ती सर्व माहिती भरा.
गणेश मंडळाच्या मंडप स्थळाचा सविस्तर माहिती दर्शविणारा नकाशा अपलोड करा. यानंतर हमीपत्र, पोलिस परवानगी करिता खासगी जागेबाबत प्रमाणपत्र, वस्तीतील नागरिकांचे ना हरकत प्रमाणपत्र, गणेश मंडळाचे अध्यक्ष, सदस्यांचे हमीपत्र, मंडळातर्फे संरक्षणाकरिता नेमलेल्या स्वयंसेवक, सुरक्षा रक्षकांची यादी व संमतीपत्र, मंडळ पदाधिका-यांच्या नावाची यादी हे सर्व डाऊनलोड करून त्याची प्रिंट काढा, त्यात आवश्यक सर्व माहिती भरून स्वाक्षरी करा. यानंतर भरलेले हमीपत्र व इतर सर्व कागदपत्रे स्कॅन करून ते संकेतस्थळावर अपलोड करा. आवश्यक शुल्क भरा व व्हिव अँड प्रिंट वर क्लिक करून प्रिंट काढा आणि सबमिटवर क्लिक करा. यानंतर आपल्याला नोंदणी क्रमांक प्राप्त होईल. आपल्या अर्जाची स्थिती जाणून घेण्यासाठी डॅशबोर्डवर अर्जाची स्थिती तपासा यावर क्लिक करा. नोंदणी क्रमांक प्रविष्ट करून अर्जाची सद्यस्थिती पहा.